BAGUIO CITY – Inlawlawag ni Traffic Engineer Ted Tan ti maisingsingasing a P250 congestion fee a masingir kadagiti pribado a lugan ken bisita a sumrek iti central business district.
Iti interview ti Bombo Radyo kenkuana, buklen ti uppat a parte ti nasao a proposal.
Umuna, singasing daytoy ti maysa a kompanya nu sadino mangiyemplementarda ti congestion charge iti central business district partikular iti session road.
Maika-dua, kayatda nga imanihar ti trasportation system babaen iti panakaikabil ti electronic gadgets, GPS ken daduma pay; maika-tallo ket kayatda nga eggeman ti traffic management nu sadino tumulongda iti panakatarimaan ti trapiko iti siudad babaen ti panang-update iti traffic system; ken mangibangonda ti parking management system.
Sigun kenni Tan, dagiti lugar kas iti Singapore, Milan ken Italy a mangipatpatungpal iti nasao a charge ket dadakkel a pagilian nu sadino dakkel ti naidumaan ti siudad kadagitoy.
Innayona a maipatpatungpal ti congestion charge nu adda laeng ti alternate route ngem saan a mabigbig ti alternate route iti siudad gapu ta compact daytoy.
Kinunana a saan a daytoy ti umno nga addang iti panangsolusyon iti traffic congestion iti siudad ken gapu ta naggasto unay daytoy a charge a maipatungpal iti publiko.
Impettengna a saan a maiparbeng ti panagsingir ti P250 a congestion fee iti publiko tapno laeng masolusyonan ti nailet a gunay ti trapiko partikular iti central business district ti siudad.
Sigun kenni Ted Tan, Traffic Engineer, maysa kadagiti mangituntunda iti trapiko iti siudad ket ti lugan dagiti bisita nu sadino gapu iti kinakurang ti parking lots ket maad-addaan ti road congestion.
Kinunana pay a pasayaaten pay kuma ti traffic management; ken panakaadda ti command center para iti panakaimanehar ti trapiko iti siudad.//Bombo Marinel Rodrigo
