Kidkiddawen ti talo a mammnanday-linteg manipud Makabayan bloc nga imbestigaran ti Kamara ti maatap a koneksyon iti Pilipinas ti sex offender a ni Jeffrey Epstein.
Naipila ti nasao a kiddaw wenno ti House Resolution No. 762 iti House Committee on Public Information ken House Committee on Women and Gender Equality babaen kada Gabriela Women’s Party Rep. Sarah Elago, ACT Teachers party-list Rep. Antonio Tinio, ken Kabataan party-list Rep. Renee Co.
Sigun kenni Elago, adda dagiti report manipud iti “Epstein files” a mangiparparang a nangala ni Epstein iti grupo manipud Pilipinas tapno malinisan ti online image na kalpasan iti pannakakemmegna.
Innayona a posible a naaramat ti digital infrastructure ti pagilian iti panangilemmeng iti sexual exploitation daytoy.
Panngep ti nasao a resolusyon a bigbigen ti kalawa ti aktibidad ken network ni Epstein iti pagilian karaman dagiti ahensiya wenno service providers a maatap a binayadanna.
Saklawen metlang ti nasao a resolusyon ti maatap a media manipulation ken reputation management a maisaysayangkat manipud iti uneg ti pagilian a Pilipinas.
Namnamaenda met a mangirekomenda ti join House panel kadagiti addang tapno maliklikan a maaramat ti pagilian a Pilipinas kas “base” dagiti international a krimen kas iti sexual exploitation ken human trafficking. //Bombo Karen Calpoe Sapirao
