Nangipila ti Makabayan bloc ti reklamo iti Commission on Elections seknan iti mapapati a “harrasment” ken “red-tagging iti panagkampania ti Eleksion 2025.
Personal nga insubmitir ni ACT-Teachers Rep. France Castro ti complaint letter iti opisina ti Comelec idiay Intramuros, Manila, a kinaduaan dagiti mangibagbagi ti Kabataan party-list ken Gabriela Women’s Party.
Dinakamat ni Congressman Castro ti sumagmamano nga insidente agraman ti mapapati nga engkuwentroda idiay Palawan nu sadinno, linapdan dagiti armado nga indibidual ti panagkampania dagiti Makabayan, nga ibagbagada nga iligal ti aktibidad dagitoy.
Gapu iti daytoy, idagdagadag ti Makabayan bloc iti Comelec nga imbestigaran dagiti insidente, nga ikalkalinteganda a panaglabsing ti anti-discrimination resolution.
