Impaganetget iti Malacañang a ti panagbitla ni President Ferdinand “Bongbong” Marcos Jr. iti State of the Nation Address (SONA) daytoy ket maibilangen a direktiba kadagiti ahensia iti gobierno.
Sigun kenni Palace Press Officer Undersecretary Claire Castro, nalawag iti SONA ni President Marcos ti panawagan a pasungbatan dagiti responsable, karaman ti isyu iti flood control ken sigud a House Speaker Martin Romualdez.
Kinunana ni Castro a sao paylaeng iti Presidente ket pammilinen.
Kinuna metlaeng ni Castro a saan a trabaho iti Presidente a daytoy mismo ti agsapul iti ebidensia kontra kenni Romualdez.
Kinaritna met ni Representative Toby Tiangco nga isubmitirna iti Ombudsman ti aniaman nga ebidensia nga iggemna.
Impettengna nga awan ti manglaplapped kenni Tiangco a mangidatag iti ebidensia iti maseknan nga ahensia.