Impetteng ti Malacañang a suportaran dagitoy ti possible a pannakailukat manen ti imbistigasyon seknan kadagiti high-profile killings bayat ti Duterte administration’s war on drugs.
Sigun kenni Executive Secretary Lucas Bersamin, ti possible a pannakailukat manen ti imbistigasyon ket mangipakita iti kinapateg ti fair dispensation iti hustisya kasta metten ti akem ti linteg iti pagilian a Pilipinas.
Daytoy ket kasaruno ti panangipakaammo ti Philippine National Police (PNP) a mailukat manen ti imbistigasyon seknan iti nasao a banag.
Malaksid iti dayta, possible metlaeng a mailukat ti imbistigasyon seknan iti pammapatay kenni Tanauan City, Batangas Mayor Antonio Halili idi 2018 no sadino maysa kadagiti suspek ket police officer.
Posible metlaeng a mailukat ti imbistigasyon pakairaman pannakapalpaltog ni Albuera, Leyte Mayor Rolando Espinosa idi 2016, kasta metten iti pannakapapatay ni Ozamiz City Mayor Reynaldo Parojinog ken dadduma pay nga indibidual.
Kabayatanna, impetteng metlaeng ni Senator Ronald “Bato” dela Rosa a mangiyuswat daytoy iti motu proprio investigation seknan metlaeng iti Duterte adiministration war on drugs.
