Nagkomento ti Malacanang iti panangkiddaw ni Vice President Sara Duterte iti publiko seknan iti panangtulongna kenni President Ferdinand Marcos, Jr. a mangabak ken seknan iti problema ti flood control iti pagilian.
Sigun kenni Palace Press Officer Claire Castro, malaksid kadagitoy, addu pay dagiti kasapulanna a pangkiddawan iti pammakawan iti publiko.
Innayonna nga un-unaenna a pagkiddawan ti pammakawan dagiti biktima ti extrajudiciak killings ken ti panangpangta daytoy iti biyag ti presidente, first lady, ken kenni sigud nga House Speaker Martin Romualdez.
Dinakamati pay ti Palasyo ti maipanggep ti panangiwaras ti peke nga impormasyon, personal nga byahena iti sabali a pagilian, ken panaggastos para kadagiti staffs, ken dadduma pay.
Impakaammo pay ti Malacanang a saan nga ninamnama ni President Ferdinand “Bongbong” Marcos, Jr. a saan a makatulong iti administrasyon ti agbalin a bise presidente daytoy.
Nupay kasta, sigun kenni Palace Press Officer UnderSecretary Claire Castro, saan latta nga nagbabawi ti presidente iti napasamak ket iti agdama, naka-pokus daytoy iti trabahona.
Innayon ni Undersecretary Castro a nupay saan a matulongan ti bise presidente ti pangulo, ituloy latta ni Ferdinand “Bongbong” Marcos, Jr. nga agserbi latta daytoy iti umili.
Nu maipanggep met iti panangideklara ni Vice President Sara Duterte iti panagngayangay daytoy kas presidente inton sumaruno nga election, alalukoyen ni Undersecretary Castro ti publiko nga agbalin a wais iti panangpili iti sumaruno a lider ti pagilian a Pilipinas. //Bombo Karen Calpoe Sapirao
