Nakalukat ti Malacañang iti singasing ni House Majority Leader Sandro Marcos a libre a kuryente kadagiti pappamilya a nababa ti electric consumption na.
Sigun kenni Palace Press Officer Undersecretary Claire Castro, mannarimaanen ti panangipatungpal ti administrasyon iti libre a kuryente para kadagiti benepisyaryo ti 4Ps a saan a dumanon iti 50-kilowatt hour ti elecric consumption da.
Inlawlawag pay ni Undersecretary Castro nga adadda pay a maadal ti probisyon ti nasao a singasing tapno maadal ti agbalin nga epekto daytoy apaman a maipatungpal ken ayna ti pagapuanna ti magastos apaman a maipatungpal daytoy.
Dinakamat pay ni Undersecretary Castro a makatulong ti nasao a gakat tapno maalukoy ti publiko iti umno ken saan a nabuslon a panagaramat ti elektrisidad. //BomboKCS
