Saanen a naispal ti maladaga nga inpurwak ti bukodna nga ina manipod iti maikadua a kadsaaran iti maysa nga hotel idiay Paris, France idi laeng kalman.
Sigun kadagiti otoridad iti nasao a lugar, inpurwak ti agtawen iti 18 nga Americana ti anak daytoy nga addaan paylaeng iti umbilical cord.
Iti baet a naipaayan ti maladaga iti emergency care, saanen daytoy a naispal ket pimmusay.
Sigun iti maysa pay a source, ti ina ti maladaga nga agtawen iti 18 ket maysa nga estudyante a paset iti grupo dagiti agtutubo a nagpasyar idiay Europe.
Agparparang a nangipasngay daytoy iti nasao a nga hotel.
Sigun pay iti report, kalpasan ti insidente ket naiturong ti ina iti pagagasan para iti panakatamingna kalpasan a nangipasngay.
Kabayatanna, nangiyuswat metten dagiti otoridad iti murder investigation nu sadino, addan iti kustodiya dagitoy ti nasao a babae.
