Impaganetget ti Malakanyang a saan a makitinnulong iti International Criminal Court iti kaso a “crimes against humanity” kontra kenni sigud a President Rodrigo Duterte gaputa saanna a bigbigen ti hurisdiksion ti ICC iti Pilipinas.
Daytoy ti sungbat ti Malakanyang idi nadawat ti komento seknan iti kaudian a palawag ti ICC a masapul nga umuna nga awaten ti gobierno ti Pilipinas dagiti teknikal a wagas ken kondision sakbay nga ikonsiderar dagiti hues ti aniaman nga aplikasion para iti interim release ti sigud a presidente, nga agdama a nakabalud idiay The Hague.
Sigun kenni Palace Press Officer Undersecretary Claire Castro, no makitinnulong ti Pilipinas iti ICC iti kiddaw para iti interim release ni Duterte ket mapilitan met ti gobierno a mangtungpal iti international tribunal no wenno inton mangiruar iti freeze order para kadagiti assets ti pamilia Duterte.
