Imbilin ti Department of the Interior ken Local Government ti mandatory evacuation dagiti residente nga agnanaed kadagiti napeggad iti panaglayus, panagreggaay gapu iti Severe Tropical Storm Leon.
Malaksid iti dayta, nabilin dagiti Local Government Units a nainget nga ipatungpalda dagiti evacuation protocols kadagiti lugar a napeggad iti panaglayus, panagregaay ken dadduma pay kas iti Ilocos Region, Cagayan Valley Region, Bicol Region ken Cordillera Administrative Region.
Impaganetget ti nasao nga ahensia a kasapulan a maipangpangruna dagiti ubbing, natataengan ken person with disabilities iti pannakaibakwit.
Naipaulog ti memorandum kasaruno iti pammilin ni Defense Secretary Gilberto Teodoro, Jr. ken chairman ti National Disaster Risk Reduction and Management Council (NDRRMC) a dagus a maipatumpal ti Mandatory Evacuation.
Sigun kenni Teodoro, ti naipulog a pammilin ket napateg a wagas tapno maispal ti biag iti posible nga itunda ti Severe Tropical Storm Leon.
