--Ads--
Insingasing ni Davao City 1st District Representative Paolo Duterte ti “mandatory random” drug testing kadagiti elected ken appointed government officials pakairamanan ti presidente ti pagilian.
Sigun iti gakat nga impila ni Duterte, maipaisidong iti random drug testing dagiti elected ken appointed government officials tunggal innem a bulan bayat a voluntary random drug testing met kadagiti kandidato a tumaray iti eleksyon, siyam a pulo nga aldaw sakbay iti aldaw ti eleksyon.
Masuspendir wenno materminate iti opisina dagiti elected ken appointed government officials nga agpositibo iti iligal a droga.
