Naituding a maangay ti Mangan Taku Food Fair sadiay Rose Garden, Baguio City inton Abril baente kwatro agingga baente otso ita a tawen kas paset ti selebrasyon iti bulan ti Abril kas Food Month.
Iti nasao a selebrasyon maipakita dagiti nagduduma a Cordillera cuisines wenno dagiti maipanpannakel nga indigenous Cordillera foods.
Para ita a tawen, nakikoordinar ti Department of Tourism-Cordillera kadagiti hotels and restaurants no sadino maipaay ti Mangan Taku stickers kadagitoy tapno maamoan dagiti bista a mangidiadiaya dagitoy iti local food.
Ti Mangan Taku Food fair ket na-institutionalized iti City Ordinance idi tawen 2019 kas nakalinya iti Proclamation No. 469 a nairuar idi tawen 2018 no sadino naideklara ti Abril kas Filipino Food month nga addaan panggep a mangitandudo iti panakapreserba dagiti Philippine culinary traditions.
