Nailista ti maikapat a biktima ti gunshot kadagiti endangered Philippine Eagle para ita tawen idiay Compostela, Davao de Oro, sigun iti Philippine Eagle Foudation.
Daytoy ket ni “Mangayon” nu sadino napaltugan ti makinkanigid a pakpak daytoy ken mapatta-patta a naaddaan daytoy iti sepsis gapu iti injuryna.
Ti nasao nga eagle ket nasarakan ti maysa a soldado kabayatan ti panagpatrolyada idiay Barangay Mangayon ken dagus a naiturong daytoy iti kustodiya ti Philippine Army Patrol.
Nu pay kasta, idi maiturn-over daytoy iti Philippine Eagle Foudation ket agkakapsoten daytoy rason a saanna nga inlasat.
Kabayatanna, dagiti immuna nga endangered Philippine Eagle a napapatay wenno nagbalin a biktima ti gunshot ket da “Lipadas” idiay Mt. Apo, “Kalatungan” idiay Bukidnon ken “Nariha Kabugao” idiay Apayao.
Iti umad-ado a kaso ti mapalpaltugan a Philippine Eagle, kidkidawen ni Philippine Eagle Foudation Executive Director Dennis Salvador ti dagus nga implementasyon dagiti interventions wenno nasken nga addang a maaramid.
