NATIONAL NEWS- Umap-apela dagiti mangngalap iti Masinloc, Zambales iti tulong dagiti gobierno kagiddan ti panangriribuk, ken panangpangta iti China kadakuada apaman a sumrekda iti Philippine exclusive economic zone.
Gapu iti daytoy, kinuna ti maysa a mannalon nga ita a panawen ti gundaway dagiti gobierno a tumulong kadakuada saan nga iti laeng panawen ti panagbubutos.
Maipalagip nga impalubos ti Beijing ti China Coast Guard a mangibalud kadagiti “trespassers” apaman a sumrek dagiti iti nasao nga economic zone iti innem a pulo nga aldaw mangrugi inton Hunyo a kinse.
Kabayatanna, impasigurado met ni Zambales Representative Jefferson Khonghun nga aramiden ti gobierno ti kabaelanda para iti seguridad dagiti mangngalap.
Malaksid iti dayta, immapela pay dagitoy iti Philippine Coast Guard ken iti Bureau of Fisheries Aquatic Resources para iti seguridad dagitoy bayat ti panagkalapda iti nasao a baybay.
