Nabigbig ti Manila, ti kapitolyo ti Pilipinas kas maikalima a kapeggadan a siudad iti sangalubongan para kadagiti ganganaet kas maibasar iti Forbes Advisor.
Malaksid iti dayta, ti Manila ti maikasiyam a siudad nga addaan iti crime risk, maikalima iti personal security risk, maikapito iti health security risk, maikasiyam iti infrastructure security risk ken maikasangapulo ket dua iti digital security risk.
Maibasar iti Forbes Advisor, ti Caracas ti Valenzuela ti kangrunaan a siudad iti sangalubongan a kapeggadan agsipud ta nangato ti marka daytoy kadagiti nagduduma a risk a pakairamanan ti health security risk, crime risk kasta met a naipaayan daytoy ti “worst travel safety rating” manipud iti US State Department.
Kabayatanna, ti maikadua a kapeggadan a siudad iti sangalubongan ket ti Karachi idiay Pakistan, maikatlo ti Yangon idiay Mayanmar ken maikapat ti Lago idiay Nigeria.
Iti sabali a bangir, ti Singapore ti mabigbigbig a katalgedan wenno safest city iti sangalubongan; maikadua ti Tokyo, Japan; maikatlo ti Toronto,Canada; maikapat ti Sydney, Australia; ken maikalima ti Zurich, Switzerland.
