BAGUIO CITY- Nakemmeg ti maysa a mannalon kalpasan a naglabsing iti Gun Ban sadiay La Trinidad, Benguet
Nabigbig daytoy a ni Solomon Sadao Odlay, 52 anyos, farmer, tubo iti La Union ken residente ti Sajatan, Wangal.
Sigun ken Police Lieutenant Col. Rodelio Olsim, Hepe ti La Trinidad Municipal Police Station, nakaawatda iti report manipod iti maysa a maseknan nga umili mainaig iti nasabatna a lalaki sadiay Sadjatan, Wangal a naka-imet ti paltog.
Gapu iti dayta, dagusda a nagresponde agingga nadanunanda ti lalaki a nakainum iti arak
Binirokanda ti dokyumetos ti paltog nga imet ni Odlay ngem awan ti maipakita daytoy a nagresulta iti pannakakemmegna
Ni Odlay ti kaunaan a nakemmeg a gun ban violator sadiay La Trinidad ken sumangsango ti kaso a pananglabsing iti RA 10591 wenu iti illegal possession of firearms ken pananglabsing ti gun ban.
Nakumpiskar met ti paltog ti suspek nga improvised shotgun pistol agraman bala daytoy.
Kagiddan iti dayta, pinalagipan ni Olsim ti publiko nga ti implementasyon ti gun ban ket agleppas agingga inton Hunyo 8 iti agdama a tawen.
