BAGUIO CITY – Nakemmeg ti maysa a mannalon kalpasan a tinagtagbatna ti bukodna a kabsat sadiay Barangay Ili, Conner, Apayao idi kalman.
Nabigbig daytoy a ni Marvin Balawag, 44-anyos bayat a nabigbig ti kabsatna a ni Randy Balawag, 42-anyos, mannalon.
Maibasar iti report, nakasangpet iti pagtaenganda ti dua manipud iti maysa a lamay idi rinugian ni Randy Balawag a kariten ti manongna a ni Marvin Balawag.
Naamuan a nakainom iti arak ni Randy Balawag.
Nupay kasta, saan nga inkankano ni Marvin Balawag ti adingna ken imballaagna ti panagsardeng ti adingna.
Pinanawan ni Marvin Balawag ti kabsatna ngem sinurot latta daytoy ti adingna a rason tapnu agala daytoy ti buneng a nangtagtagbatna iti kabsatna.,
Naiturong ti biktima iti pagagasan gapu iti nasagrap daytoy a lima a tagbat, partikular iti kanigid nga abaga, ulo ken muging.
Nakemmeg met ti suspek ken narekober ti inaramatna a buneng.
