--Ads--
BAGUIO CITY–Nakemmeg ti maysa a mannalon kalpasan ti insayangkat dagiti otoridad a buy-bust operation sadiay Loo, Buguias, Benguet idi kalman.
Nabigbig ti suspek a ni Rizalino Licwasen Inway, 46-anyos, baro, ken residente ti Banooy, Baculongan Norte, Buguias, Benguet.
Naaala manipud kenkuana ti dua a pakete ti maatap a shabu nga agdagsen iti maysa a gramo ken aggatad iti agarop P7,000 ken ti cellphone a naaramat iti transaksiyon.
Naamuan a maibilbilang metlaeng ti suspek kas maysa a high value individual iti nasao a munisipyo.
Sumangsango itan ti suspek iti kaso a a panaglabsing iti RA 9165 wenno ti Comprehensive Dangerous Drugs Act of 2002.
