Pimmusay ti maysa a mannalon kalpasan a napalpaltogan daytoy iti ruar ti balayda sadiay Velasco, Tayum, Abra idi rabii.
Nabigbig daytoy a ni Alejandro Padagas, 59-anyos.
Maibasar iti report ti pulisya, bambantayan ti biktima ti pagaramidan ti uging iti ruar ti balayda idi killaat daytoy a pinalpaltogan ti saan pay a nabigbig a suspek.
Natamaan ti nagduduma a paset ti bagi ti biktima, pakairamanan ti ulo daytoy a nagresulta iti dagus nga ipupusayna.
Iti agdama, manarimaan ti imbestigasyon dagiti otoridad iti napasamak a krimen bayat a narekober iti nakapasamakan ti insidente ti innem a basyo ti bala ti shotgun.
Maikatlon daytoy nga insidente ti pammaltog sadiay munisipyo ti Tayum, Abra manipud nangrugi ti enhanced community quarantine gapu iti COVID-19 pandemic.
