--Ads--
BAGUIO CITY – Nasarakan a tumtumpaw ti bangkay ti maysa a mannalon iti karayan sadiay Calimag, Alfonso Lista, Ifugao idi kalman.
Nabigbig daytoy a ni Crisencio Coloma , 73-anyos, naasawaan ken residente iti nasao a lugar.
Naamuan a ginandat ti biktima a ballasiwen ti karayan paturong iti talonna idi kalman ngem aksidente a naikadlis daytoy agingga a nalmes.
Nagsagrap daytoy ti gasgas ken lemma iti nagduduma a paset ti bagina nga intunda ti panakaiyanod ti bagi daytoy.
