--Ads--
BAGUIO CITY — Ad-adalen ita ti Provincial Disaster Risk Reduction and Management Council ti Benguet no adda koneksionna iti agdama a sasaaden ti panawen ti napasamak nga insidente sadiay munisipyo ti Kibungan a nakatayan ti maysa nga indibidual idi Sabado.
Sigun kenni Governor Cresencio Pacalso, pimmusay ni Victor Mating, 39-anyos, mannalon ken residente iti Lubo, Kibungan, Benguet.
Maibasar iti report, natnag iti rangkis sadiay Bobocco, Lubo, Kibungan, Benguet ti elf truck nga imanmaneho ni Mating.
Dagus nga inispal dagiti umili sadiay ti biktima ken inturongda daytoy iti Lubo Health Station para iti first aid.
Naiyakar ti biktima iti Kapangan District Hospital ngem naideklara daytoy a dead on arrival.
