BAGUIO CITY – Nainget a tubtubngaren ti maysa a purok ti mannarimaan a pannakaibangon ti baro a pasdek ti Baguio Bureau of Jail Management and Penology (BJMP) sadiay Baragay San Luis, Baguio City.
Sigun kenni Mark Anthony Baliton, spokesperson ti grupo a mangtubtubngar iti nasao a proyekto, awan ti umno a konsultasyon a napasamak.
Innayunna a nabayagen a saanda a pabor iti nasao a proyekto.
Nupay kasta, naklaatda iti pannakaipatungpal ti ground breaking ken ti pannakairugi ti excavation.
Maibasar iti panagsukimat ti grupo dagitoy, naduktalanda nga impaulog ti Barangay ti certificate of “No opposition.”
Kabayatanna, impetteng ni Emerita Fuerte, residente iti Diamond subdivision sadiay Barangay San Luis a pakaseknanda ti siguridad ken ti environmental impact ti pannakaibangon ti pasdek.
Innayon daytoy a natural creek ti nasao a lugar, isu’t gapuna a napigsa ti danum iti panagtutudo.
Sigun pay kenni Fuerte, arigna nga awan ti serbi dagitoy kas residente sadiay kalpasan a saan a naikonsidera dagiti amin a pakaseknanda.//via Bombo Noveh Organo
