Agyamyaman dagiti mannursuro ken parientes dagiti estudyante nga inimbitaran ti Bureau of Fire Protection- Baguio para iti maudi nga aktibidad dagitoy ita a bulan a fire square roadshow.
Iti panakiuman ti Bombo Radyo kenni Clifford S. Aridao, mannursuro sadiay Dominican Mirador National High School, kinunana a napateg ti nasao nga aktibidad para kadagiti ubbing gapu ta mabalinda nga iyaplikar dagiti naadalda iti masakbayanda.
Binigbigna pay ti nasao nga aktibidad kas blessing para kadakuada a mannursuro gapu ta nagserbi ti BFP kas mannursuro dagiti ubbing ita nga aldaw nu sadino nangipaayda kadagiti estudyante kadagiti nagduduma nga impormasyon seknan iti emergency response.
Malaksid iti dayta, kinunana a nasayaat ti panangilukat ti BFP iti aktibidadda para iti publiko gapu ta saan lang a nakasentro iti nasao nga ahensya ti nasao nga aktibidad.
Mainaig iti dayta, sigun met kenni Amor Presco, maysa a nagannak dagiti nakipartisipar nga ubbing a dakkel a banag para kadakuada a masuruan met dagiti annakda kadagiti umuna a rumbeng a maaramid in case of emergencies.
Innayonna pay a maragsakan daytoy ta saan laeng a dagiti natataengan ti nasken a masuruan kadagiti emergency responses.
