Dakkel a karit ti mapangpanggep a panakaiparikep ti Metro Clark Waste Management Corporation idiay Capas, Tarlac, ti agserserbi kas final disposal dagiti basura nga agtataud iti siudad ti Baguio.
Sigun kenni Margie Della, Assistant Department Head iti General Services Office – Baguio, mapangpanggep ti panakaiparikep ti nasao a pasilidad inton Oktubre.
Gapu iti dayta, manarimaan ti negosasyon dagitoy kadagiti dadduma pay a waste facilities nga accredited iti Department of Environment and Natural Resources (DENR).
Iti agdama, awan pay ti nabirokan ti opisina a pasilidad a mabalin a mangsukat iti agdama a waste management facility gapu ta kasapulan metlaeng nga agtungpal dagitoy iti procurement laws and regulations ken nakadepende ti mapilida iti resulta iti bidding.//Bombo Rob Dominguez
