Pormalen a ninaganan ti prosecution ti International Criminal Court (ICC) dagiti sumagmamano a nangangato a mannarimaan ken sigud nga opisyal ti Pilipinas kas co-perpetrators ni sigud a President Rodrigo Duterte iti kampanya daytoy kontra iti ilegal a droga.
Iti maikadua nga aldaw ti confirmation of hearing charges, partikular nga innaganan ni International Criminal Court Trial Lawyer Robynne Croft dagiti opisyal a karaman iti panangipatungpal iti nasao a kampanya.
Karaman kadagiti nanaganan ket ni sigud a Philippine National Police (PNP) Chief ket mannarimaan a Senador Ronald “Bato” Dela Rosa, Senator Christopher “Bong” Go, sigud a Department of Justice (DOJ) Secretary Vitaliano Aguirre II, ken dadduma pay nga opisyal.
Ti panangbigbig kadagiti co-perpetrators ket napateg iti panangimbestiga tapno mapasingkedan dagiti mapapati a pammapatay kabayaan iti war on drug campaign ni sigud a President Duterte. //BomboKCS
