Kinemmeg dagiti kameng ti Bureau of Immigration (BI) sadiay Manila ti mapapati a dadaulo ti Japanese scam group a nangpuntiria kadagiti senior citizens idiay Japan bayat ti operasionda iti ruar ti Pilipinas.
Nagtitinnulong ti uppat nga opisial manipud iti Fugitive Search Unit (FSU) ti Bureau of Immigration a matiliw dagiti suspek.
Sigun kenni Bureau of Immigration-Fugitive Search Unit Head Chief Rendel Sy, nabayagen nga obobserbaranda ti nasao a grupo nu sadinno nakemmegdan dagiti dadduma a kameng ti nasao a grupo idi napalabas a tawen.
Maibasar iti report ti Interpol ti Japan, ti grupo ket puntiriada dagiti natataengan babaen ti panangibagada a pannakabagida ti linteg.
Narekober dagiti otoridad ti palso nga identification card nga addaan ti Pilipino a nagan manipod kadaiti suspek.
Iti agdama, agtultuloy latta ti imbestigasion nga ipatpatungpal ti maseknan nga otoridad iti nasao a banag.
