Tiniliw dagiti operatiba manipud iti Bureau of Immigration (BI) dagiti high-profile targets a mapapati a paset ti Japanese crime syndicate.
Natiliw dagiti military intelligence groups ken ti BI Fugitive Search Unit dagiti suspek kalpasan ti adu a bulan a panagsiput ken panangisayangkatda iti nagsina nga operasion sadiay Manila ken Bulacan.
Sigun kenni BI Fugitive Search Unit head Rendel Sy, karit kadakuada ti operasion nga inaramidda.
Imbinglay ti nasao nga ahensia a dagiti suspek ket mapapati a paset iti JP Dragon Syndicate, a maikonkonsidera a maysa kadagiti kadakkelan a crime groups idiay Japan.
Ti sindikato ket mangipatpataray iti scam operations a puntiriana dagiti senior citizens idiay Japan.
Iti agdama, dagiti suspek ket nakabalud iti detention facility ti Bureau of Immigration idiay Bicutan.
