BAGUIO CITY- Pimmusay ti maysa a miembro ti rebelde a grupo kalpasan ti tallo ket lima a minutos a rinnupakda kadagiti kameng ti militar sadiay Bagtayan, Pasil, Kalinga idi malem kalman.
Iti inisyal a report, manarimaan ti combat operation dagiti miembro ti 50th Infrantry Battalion idi nakarinnupukda ti 15 a miembro ti makaniggid a grupo.
Awan pailaeng ti pakabigbigan ti pimmusay ngem mapapati a lider daytoy ti Platoon Guevarra, KLG Baggas.
Awan met ti nadangran iti benneg ti militar kalpasan ti nasurok kagudwa nga oras a rinnupak.
Narekober ti militar dagiti nagduduma nga armas iti nakapasamakan ti insidente pakairaman ti M16 A1 rifle, dua a magazine, 25 rds 5.56mm ammo, maysa a pedaso ti bandolier ken transistor radio, ken personal belongings dagiti rebelde a grupo.
Manarimaan ita ti blocking operation nga ipatpatungpal dagiti kameng ti militar bayat nga iwanwanawan met dagiti kameng ti intel units dagiti posible a paglemlemengan dagiti terorista a grupo.
Naitabon metten ti pimmusay a miembro ti rebelde.
