Manarimaanen ti imbestigasion iti mapapati a panangrames nga inaramid ti maysa a kameng ti Kabataan party-list iti maysa a babai a katrabahuanna, sigun kenni Kabataan party-list president Julius Cantiga.
Daytoy ket kalpasan a nagviral iti social media ti maysa a post nga impablaak ti maysa a babai a nailemmeng ti naganna, maipapan iti seksual a panangabuso manipud iti mapapati nga opisial ti Kabataan Partylist idi Abril a kinse.
Kinuna ni Cantiga a bigbigbigenna dagiti “tag” ken awag manipod kadagiti netizens a nagkomento iti post.
Inaklonna nga ammoda ti maipapan iti sensitibo a pakaseknan ken manarimaan ti panangbukelda iti pormal a disciplinary complaint kontra iti mapapati a nangabuso.
Inlawlawag ti nasao nga opisial a saan a kameng ti National Executive Committee ti mapapati nga “abuser.”
Iti agdama, naipasidong iti preventive suspension ti saanen a nainaganan nga abuser sakbay a maipaulog ti pinal a disciplinary action kontra kenkuana.
