Mapatta-patta a 2.4 milion nga ubbing a babai idiay Afghanistan ti saan a naipayaan iti secondary education sipud idi indauloan ti Taliban ti pagilian idi 2021, sigun iti UNESCO.
Ti Afghanistan ti kakaisuna a pagilian iti sangalubongan a pormal a mangipawpawil kadagiti babbai iti secondary ken higher education.
Madanagan iti UNESCO a mabalin a mangitunda daytoy iti nakaro a kinakurapay, pannakaawan iti oportunidad ken pannakadadael iti ekonomia.
Inserra iti Taliban ti secondary schools para kadagiti babbai idi Marso 2022 ken naiparit met ti panagadal iti babbai kadagiti unibersidad idi Disiembre iti kapada a tawen.
Numan pay naawagan a temporario daytoy, agtaltalinaed paylaeng ti panangiparit.
Sigun iti UNESCO, mabalin a maawawan ti Afghanistan iti nasurok 11,000 a kwalipikado a babbai a manursuro iti panagdanon iti 2030.
Nasurok 90% kadagiti agtawen iti 10 iti nasao a pagilian ket saanna a kabaelan nga agbasa iti simple a teksto.
Agtultuloy met a sumangsango ti sistema iti edukasion kadagiti pagadalan, kinakurang iti pasilidad ken epekto kadagiti kalamidad ken panagadu dagiti agsubli idiay Afghanistan.
