Sumangsango itan iti kaso ti 29-anyos a suspek gapu iti panaglabsingna iti Republic Act 9262 wenno ti Anti-Violence Against Women and their Children Act kalpasan a maatap nga inayawidna ti maysa a mapukpukaw a menor de edad itay laeng nabiit.
Maipalagip nga immunan a naireport iti Itogon Municipal Police Station a mapukpukaw ti nasao a menor de edad.
Maibasar iti imbestigasyon maatap a sinurot ti biktima ti nanang daytoy a nagturong iti siudad ti Baguio, rason ti pannakapukawna.
Naimatangan met a nakipagsarita ti suspek iti biktima no sadino nagturong pay dagitoy iti Harrison Road iti metlaeng siudad.
Gapu iti daytoy, dagus nga inreport ti pamilya ti biktima a mapukpukaw daytoy isu’t gapuna nga inimbistigaran dagiti otoridad.
Balligi met a naduktalan ti lokasyon ti biktima a nangitunda iti pannakaispalna idiay Marilao, Bulacan.
