BAGUIO CITY – Indineklara ti Malacañang nga special non-working holiday ti March 20, aldaw ti Lunes sadiay La Trinidad, Benguet kas paset pay laeng ti selebrasyon ti 36th Strawberry Festival.
Nakalanad daytoy iti Proclamation Number 178 series of 2017, ken kinuna ni Mayor Romeo Salda a kiniddawna a ti March 20 ti maideklara ti holiday imbes a March 19 nga aldaw ti domingo.
Ita nga aldaw ket maisayangkat ti civic parade a sarunoen ti main program, ti Owik Tan Tayao ken ti multi-cultural celebrations iti municipal gym.
Maisayangkat met inton bigat ti street dancing, drum and lyre ken mini-float parade and competitions.
Ala una ti malem inton bigat ket iparaman ti La Trinidad ti nalatak nga strawberry shortcake kadagiti turista ken residente.
Kabayatanna, dumanon iti 441 kilo ti cake a nangabak iti Biggest Strawberry Cake Competion nga inaramid ni Hector Gayomba bayat a nangabak met ni Domingo Amor Jr. iti Sweetest Strawberry Cake Competition a naipatungpal idi kalman.
Immunan a nairikep ti paset ti Halsema Highway manipud Km. 6 agingga Km. 5 sadiay La Trinidad tapnu maipaayan iti dana ti highlights ti Strawberry Festival.
