Pimmusay ti maysa a trainee iti Philippine Marine Corps bayat ti manarimaan a swim training dagitoy idiay Ternate, Cavite.
Maibasar iti imbestigasyon, naawanan iti puot ti nasao a biktima bayat a manarimaan ti swim training dagitoy.
Dagus met a naiturong daytoy iti pagagasan ngem saanen daytoy a naaddaan iti puot.
Sigun met kadagiti trainee a kakadua ti nasao a biktima, awan ti hazing wenno panangabuso a naaramid gapu ta nakapokus laeng ti nasao a training iti physical conditioning.
Kinumpirmar met dagiti pulis a nasayaat ken natalged dagiti pasilidad iti uneg ti marine base bayat ti ocular inspection dagitoy.
Nakipagladingit met ti Philippine Marine Corps iti pamilya ti nasao a trainee.
Iti agdama, maur-uray paylaeng ti resulta ti autopsy para iti nasao a biktima.//Rose
