Nagballaag ti Maritime Industry Authority (MARINA) iti publiko kontra kadagiti saan nga otorisado nga “online groups” a mangidiadiaya iti panangiproseso iti dokumento para kadagiti marino.
Inlawlawag ti nasao a grupo a saanda a patpatgan wenno ipalpalubos iti “facegroup group” a maiproseso dagiti dokumento a kas iti Seafarer’s Identity Document (SID), Seafarer’s Record Book (SRB), Certificate of Competency (COC), and Certificate of Proficiency (COP).
Imbalakad ti Maritime Industry Authority (MARINA) kadagiti “seafarers” nga agsaludsod laeng kadagiti accredited maritime training institutions (MTI) mainaig iti maritime training courses dagitoy.
Ti listaan iti training ken assessment centers ket mabalin a masarakan iti website iti MARINA’s Standards of Training, Certification and Watchkeeping for Seafarers (STCW) office.
Para iti kanayunan nga impormasion, mabalinda metlaeng a bisitaen ti opisial a social media account ti MARINA.
