--Ads--
BAGUIO CITY – Ngimmato iti 26.47% ti bilang dagiti nairehistro a panagkallaysa wenno marriage registration iti Baguio City kabayatan ti umuna nga kwarter ti agdama a tawen nu idilig iti nailista idi napan a tawen.
Iti datus ti Local Civil Registry, dumanon iti 474 yi nairehistro manipod Enero agingga Marso ti agdama a tawen.
Nangato daytoy idi 100 a bilang manipod iti 374 a nairehistro iti umuna nga kwarter ti 2021.
Manipod met iti nasao a bilang, kangatoan wenno 57.38% kadagiti nairehistro ket buklen dagiti naikallaysa iti simbaan.
