--Ads--
Indeklara ni President Ferdinand Marcos Jr. ti Marso 20 ita a tawen kas regular holiday iti pagilian para iti obserbasyon ti Eid’l Fitr wenno panagleppas ti Feast of Ramadan.
Sigun kenni Palace Press Officer Claire Castro, dinesisyonan daytoy ti presidente idi nakaduana dagiti miyembro ti Muslim community ken lider daytoy idiay Malacanang.
Kagiddan daytoy, kinablaawan ti Palasyo ti Muslim community bayat a pagsagsaganaanda ti umadani a petsa.
Iti dayta nga aldaw, agtitipon amin dagiti Muslin iti pagilian no sadino obserbaranda ti nasao nga okasyon kadua dagiti kapamilya ken gagayyemda nga agkararag ken agselebrar. //Bombo Karen Sapirao
