Nangipaay ti Department of Social Welfare and Development (DSWD) iti tulong kenni Mary Jane Veloso, kasaruno ti pannakawayawaya daytoy.
Nagbisita ti DSWD field office 3 Central Luzon kenni Veloso idi Setiembre 27, tapno mangipaay iti suporta ken masiguru dagiti pagkasapulan daytoy.
Malaksid iti financial assistance, naipasidong metlaeng ni Veloso iti assessment para iti posible a livelihood assistance ti Sustainable Livelihood Program ti DSWD.
Karaman kadagiti maad-adal a maipaay kenni Veloso ti sari-sari store a pagbiyagan ti pamilya daytoy.
Addaan ni Veloso iti dua nga annak, naarestar daytoy sadiay Idonesia idi 2010 mainaig iti kaso a drug trafficking.
Nasetensiyaan iti bitay ngem nasaan a natuloy kalpasan a naarestar ti nang-recruit kenkuana.
Naiyawid ken naibalud iti pagilian a Pilipinas ken naipaayaan iti absulute pardon manipid kenni President Ferdinand R. Marcos Jr. idi Setyembre 25, 2026.
