Binabalaw ni House prosecution counsel Lorna Kapunan ti masansan a foreign travels ni Vice President Sara Duterte bayat a manarimaan ti impeachment trial daytoy.
Sigun House prosecution counsel Kapunan, kinaawan respeto daytoy iti Senate impeachment court.
Innayonna nga adda kenni Duterte ti desisyon no dumar-ay wenno saan iti impeachment trial.
Nupay kasta, impeksa ni Kapunan a no seyoso ti tungtungan, nasaysayaat a saan paylaeng nga ag-travel.
Maipalagip a kinanselar ni Duterte ti innem nga aldaw a panagturongna sadiay Japan.
Sigun iti bise presidente, nagbaliw ti planona ken binabalawna ti Office of the President iti panangibutaktak daytoy iti naituding a travel-na.
Inlawlawag met ni Palace Press Officer Atty. Claire Castro nga awan ti dakes no mapakaamuan ti publiko seknan iti travel authority a naipaay iti bise presidente agsipudta, agarup P7 million ti magasgastos ti gobierno para iti seguridad ni Duterte ken iti staff ti OVP kabayatan ti foreign trips daytoy.