Agrekreklamo ti maysa a pamilya manipud iti munisipyo ti Kapangan kalpasan a saan amin a tinungpal ti Department of Public Works and Highways ti katulagan seknan iti pannakaaramid ti kalsada iti lote dagitoy.
Iti pannakiuman ti Bombo Radyo kenni Remedios Vencio, kinunana a naibaga ti maysa a personel ti DPWH kadakuada a saan laeng a ti “farm to market road” ti maaramid gaputa inkarida a matarimaan ti talon dagitoy.
Nupay kasta, nagleppasen a naaramid ti kalsada ngem saan a natarimaan ti lote dagitoy.
Kinuna pay ni Vencio a sakbay a naipatungpal ti nasao a proyekto ket awan ti napasamak a naan-anay a konsultasion tapno maawatanda ti mapasamak iti loteda.
Iti baet a naangay ti oral agreement iti nagbaetan ti pamilia Vencio ken dagiti personnel ti DPWH seknan iti pannakaaramat ti lote dagitoy.
Saanda a ninamnama a maapektaran ti sentro ti lote dagitoy gaputa pagarupenna a ti laeng paapiktaran ket iti igid ti karayan.
Inlawlawag pay ti nasao a maseknan a na bulldozer dagiti dadduma a lote dagitoy sakbay a naaramid ti katulagan.
Sigun iti maseknan, indonarna ti nasao a lote para iti Pongayan to Central Road.
Ngen gaputa saan amin a natungpal dagiti kinuna ti DPWH kadakuada ket saan pay a nagpirma iti deed of donation.
Kabayatanna, namin uppat a daras a nakipatangda iti personnel ti DPWH Benguet 2nd District ngen saandan a mauray ti dagus nga aksion.
Gapu iti dayta, nagturong ti Bombo Radyo ken ti maseknan iti opisina ti DPWH-CAR ngem nairefer metlaeng dagitoy iti opisina ti DPWH Benguet 2nd District.//Bombo Gezel Depayso
