BAGUIO CITY- Impakaammo ni Engr. Charles Carame, ti City Disaster Risk Reduction and Management Office iti siudad ti Baguio nga awan ti naawat dagitoy a report seknan iti anya man nga insidente iti siudad ti Baguio.
Daytoy ket kagiddan ti mapaspasaran a Super Typhoon Nando.
Iti pannakiuman ti Bombo Radyo kenkuana, kinunana a bambantayanda ti Barangay Irisan, Dominican, Loakan, Camp 7 ken Atok Trail, iti baet nga awan ti namonitor dagitoy nga insidente.
Kabayatanna, masukatan ti desinio dagiti kanal iti sumagmamano a paset ti siudad ti Baguio tapno maprembentaran ti panagngato ti lebel ti danum ken pannakapullat daytoy.
Namnamaen ni Eng. Carame a masolusionan dagiti maipulpullat a basura kadagiti kanal babaen kadagiti napagtungtunganda a solusion.
Sigun kenkuana, usarenda ti “Data Draven” tapno adda ti basaran ken tapno maamuan no anya ti umno a proyekto a maaramid a mangsulbar iti nasao a pakaseknan.
Iti sabali a bangir, nakalukat dagiti dadduma nga opisina ti Gobierno kas iti General Services Office (GSO), City Disaster Risk Reduction and Management Office (CDRRMO), ken Health Services Office (HS0) iti baet a nakanselar ti trabaho ti gobierno.
Kabayatanna, inyunay-unay ti nasao nga Engineer a tumawag laeng iti 911 no adda ti mapasamak nga emerhensia wenno anya man nga insidente para iti dagus a panagresponde dagiti otoridad.//mp4
