Pagpanpanunutan ti lokal a gobyerno ti siudad ti Baguio, nangruna ti City Engineering Office (COE), Department of Public Works and Highways (DPWH) ken Traffic division dagiti kasayaatan a desinyo ken long term solution sadiay Suello village, Baguio City.
Daytoy ket kalpasan dagiti napasamak a disgrasya a nakatayan ti dua nga indibidual idi March 06, 2026.
Malaksid iti dayta, nailista metlaeng dagiti dadduma nga insidente ti vehicular accident iti nasao a lugar.
Maibasar iti daytos dagiti otoridad, dumanon iti pito ti nailista nga aksidente sadiay manipud February 1 agingga March 08, 2026.
Iti agdama, addan ti naimuntar a road signages iti nasao a lugar.
Ad-addalen metten dagiti maseknan nga ahensia ti posible a pannakaikabil ti humps ken ramps.
Kabayatanna, impeksa ni Mayor Benjamin Magalong nga awan ti parikut iti elevation ti nasao a kalsada ngem adda dagiti sumagmamano a motorista nga ag-accelerate a mangituntunda iti pannakaaksidente iti nasao a kalsada.//Bombo Noveh Organo
