Kinumpirmar ni Bureau of Corrections Director General Gregorio Pio Catapang a maiyakar idiay Sablayan Prison and Penal Farm idiay Occidental Mindoro dagiti masentensyaan nga indibidwal nga adda pakainaiganna iti naanomalyaan a flood control projects iti pagilian.
Sigun kenkuana, saandda a patgan dagiti kiddaw a maibalud iti New Bilibid Prison idiay Muntinlupa gapu ta mannarimaan a naipasidung daytoy iti decongestion program wenno panangkissay ti bilang dagiti balud sadiay.
Inyunayunay met laeng ni Catapang nga awan ti maipaay nga special treatment kadagiti maibalud nga inawaganna kas “supermax” facility idiay Sablayan.
Dinakamatna pay a nakagatang metten ti Bureau of Corrections ti 60 nga ektarya a daga idiay Palayan City, Nueva Ecija kas paset iti agtultuloy a decongestion program ti ahensiya. // Bombo Karen Calpoe Sapirao
