Inyarig ni Vice President Sara Duterte ti masungad nga impeachment trial daytoy iti “crucifixion” bayat ti panangselebrarna iti maika-uppat a pulo ket pito a kasangayna idiay The Hague, kagiddan ti pannakipasetna ti rally a mangsupsuporta iti amana, ti naibalud a ni sigud a President Rodrigo Duterte.
Immuna a kinuna ni Vice President Sara a kaykayatna a maituloy ti impeachment trial gapu ta kayatna ti “bloodbath” ”—maysa nga statement a nakagun-od iti naglalaok a reaksion.
Nupay kasta, indepensa ni Duterte ti inaramatna a sao.
Kabayatanna, kinuna ni Duterte a nakasaganan ti legal team daytoy para iti trial iti baet ti nagduduma a kapanunutan nu maituloy iti 19th Congress a naituding nga agleppas ita a bulan.
Itay laeng nabiit, impablaak ni Senate President Francis “Chiz” Escudero a naiyakar ti panangidatag kadagiti articles of impeachment manipod June 2 agingga June 11 tapno maipaayan ti dalan dagiti kasapulan a gakat a maipasa.
