Kinuwestionaran ni Assistant Ombudsman Mico Clavano ni Sen. Loren Legarda gapu iti panangilaylayunna iti medical leave daytoy.
Sigun kenni Clavano, saan a pa-extend-extend ti medical leave ni Legardo no addaan daytoy iti seryoso a sakit.
Immuna a kinumpirmar ti National Bureau of Investigation (NBI) nga immikkat iti agilian ni Legarda ken ti anakna a ni Batangas Rep. Leandro Leviste idi Agosto 2. 2026.
Kaudian a leave ti Senadora ti Agosto 24 agingga 26 ken nailaylayun iti Setiembre 1 agingga 2, 2026.
Sakbay daytoy, immuna a nag-leave ni Legarda idi Agosto 3 agingga iti 5; Agosto 11 agingga 12 ken ilaylayunna iti Agosto 17 agingga 19.
Inlawlawag ni Clavano a bambantayan ti Ombudsman dagiti mauli-ulit a leave ni Legarda agsipudta sumangsango iti manarimaan nga imbestigasyon ti antigraft body.
Maipalagip a sumangsango iti kaso ni Legarda ken ti anakna gapu iti maatap a “ghost” solar projects ti kompanya ni Leviste.