Nagballaag ni Mayor Benjamin Magalong kontra kadagiti motor a saan nga agtulnog iti kampanya ti siudad kontra iti loud mufflers ken daduma pay nga illegal modifications.
Kinarit ni Mayor Magalong a pumanaw laengen dagitoy iti syudad no saanda nga agtungpal.
Inlawlawagna a sakbay a maimplementar daytoy, adan ti adequate a pronouncement.
Innayun ti opisial nga addan ti instrumento a mabalin a maaramat tapno mabigbig ti kapigsa ti uni ti tambutcho.
Kabayatanna, adu a motorista ti agriri iti social media gapu iti pannakatiliw dagitoy.
Sumagmamano kadagitoy ket mangipekpeksa a saan nga umno ti pannakaitiliwda wenno awan ti konsiderasyon.
Nupay kasta, maysa kadagiti nagbasaran ti siudad ket ti RA 4136 wenno The Land Transportation and Traffic Code a mangipawpawil ti panagaramat ti modified mufflers, open/straight pipes, cut-outs ken dadduma pay.
Naibasar metlaeng daytoy iti LTO memorandum circular no. 2020-2240 wenno ti maximum level ti kinapigsa ti tambucho. //Bombo Noveh Organo