Naikkat iti pwesto da Urdaneta City, Pangasinan Mayor Julio Fernandez Parayno III, Vice Mayor Jimmy Dereje Parayno, ken dagiti innem a konsehal kalpasan a naduktalan dagitoy nga administratively liable gapu iti grave misconduct ken gross neglect of duty.
Iti maysa a resolusion a napetsaan iti Abril 15, 2026 a pinirmaan ni Ombudsman Jesus Crispin “Boying” Remulla, naibilin dagiti nasao nga opisiales a madiskualipikar dagitoy nga agiggem iti aniaman a posision iti gobierno.
Malaksid iti dayta, naparitan metlaeng dagitoy a mangala iti civil service examinations, ken ma-forfeit dagiti benepisioda iti panagretiro.
Nagtaud ti reklamo iti maipagarup a saan panangtungpal dagitoy iti suspension order ken dagiti alegasion a linapdanda ti panagtakem dagiti naituding nga interim officials bayat a nasuspender dagiti opisial idi Enero 2025.
