Nagsurrender kadagiti otoridad ti mayor iti Datu Salibo,Maguindanao del Sur a ni Khominie Sandigan mainaig iti nagtutu-on a criminal a kaso a sangsangwenna.
Sigun iti maseknan a kameng iti pulisya, insurrender ni Sandigan ti bukodna a bagi idi September 9 kadagiti otoridad iti Talayan kadwa ti legal counsel daytoy.
Ni Sandigan ket sumangsango iti saan mapiansaan a kaso iti murder kasta metten ti frustrated murder a narekomendaran iti piansa a ₱200,000.
Nagramot ti kaso ti nasao a mayor iti napasamak a panakapalpaltog iti sigud a konsehal iti Datu Salibo a daydi Demson Silongan Abril idi 2023.
Ni Silongan ket maatap a na-ambush bayat nga umatendar koma daytoy iti Sangguniang Bayan session.
Agosto iti kapada a tawen ket napasamak met ti insidente iti panagbomba a nakaitunda iti ipupusay ti kabsat daydi Silongan a ni Barangay Pendetin village chief Datu Manot Silongan.
