Ibilbilang ni sigud nga Independent Commission for Infrastructure special adviser a ni Baguio City Mayor Benjamin Magalong a nakaro nga insulto iti panunot dagiti Pilipino ti panangawag iti panaglusulos ni sigud a Congressman Zaldy Co kas maysa a “sakripisyo” imbes a pananglibas iti akemna.
Iti panagdenggeg ti Senado, naibaga laengen ni Magalong ti “My God” kalpasan a saan kano a pinanawan ni Co ti akemna, nu diket inawaganda daytoy kas maysa a “sakripisyo.”
Diretsona a kinuna a nagtakaw ni Co manipod iti pondo ti gobierno ken kagiddan iti daytoy, dinamagna pay a nakaro kadin a nababa unay ti standard ti Kongreso tapno awaten ti nasao a kita ti pammalawag manipod iti maysa a naglusulos a mammanday-linteg.
Nainget met a kinondenarna ti panangidayaw ti dadduma iti panaglusulos ni Co, a sigun kenni Magalong, nalawag nga ehemplo ti kinaawan asi, aginsisingpet, ken pananginsulto iti dignidad ken mentalidad ti umili a Pilipino.
Innayon ni Magalong a naduktalan ti Independent Commission for Infrastructure nga awan a pulos ti transparency kadagiti ghost ken substandard flood control projects ken kinunana pay a makainsulto a saan pay ketdi a pinanunot dagiti corrupt ti pagsayaatan dagiti umili.
