Patien ni Baguio City Mayor Benjamin Magalong nga agtultuloy a marikrikna iti publiko ti epekto iti korapsyon, nangruna kadagiti flood control project, isut gapuna a daytoy ti rimmuar a kangrunaan a pakaseknan dagiti umili.
Iti pannakiuman iti Bombo Radyo kenni Mayor Magalong, kinunana a nasayaat ti panangdakamat ni President Ferdinand Marcos Jr. iti isyu iti korapsyon iti panagbitlana iti State of the Nation Address (SONA) idi Lunes.
Sigun kenni Magalong, maysa kadagiti kangrunaan a damag iti publiko ket nu maibalud kadi ni sigud a House Speaker Martin Romualdez.
Kinunana nga agbalin a dakkel a senyales daytoy nu ti mismo a kasinsin iti presidente ket mapasungbat iti linteg, gaputa mangipakita daytoy a mabalin met a mapasungbat ti dadduma pay a karaman iti anomalya.
Nupay kasta, kinuna ni Magalong a mabalin a mabayagan pay ti proseso ken insingasingna nga unaen dagiti kaso a nalaka a mapaneknekan wenno dagiti personalidad nga addaan iti umdas nga ebidensia kontra kadakuada.
Impeksa metlaeng ni Mayor Magalong a mapatta-patta a 90% dagiti mammanday-linteg ti karaman kadagiti anomalya, agraman ni sigud a House Speaker Martin Romualdez.
Patien pay ni Magalong nga imposible a saan a karaman ni sigud nga Speaker Romualdez iti isyu.
Para kenkuana, karaman da Romualdez ken ti negosiante a ni Zaldy Co kadagiti mabigbigbig a kangrunaan a personalidad iti likudan iti anomalya.
Innayon pay a napateg ti testimonial evidence iti imbestigasion ken kasapulan nga agsapul pay iti ad-adu nga ebidensia, karaman ti testimonia dagiti posible a karaman iti naanomalyaan a proyekto.
Kabayatanna, impetteng ni Magalong a mabay-bayagan daytoy iti imbestigasion dagiti anomalya iti flood control project.
Impeksana a nabayag unay ti taray iti imbestigasion