BAGUIO CITY – Nag-ikkaten kas Contact Tracing Czar ti Pilipinas ni Baguio City Mayor Benjamin Magalong kasaruno ti panagdar-ayna iti birthday celebration iti maysa a hotel ditoy siudad a nagbalin a kontrobersial gapu iti maatap a panakalabsing dagiti health protocols.
Nailanad iti resignation letter-na a kas senior officer ti Task Force kontra iti COVID-19 ket nasken kuma a dagus nga sinitarna dagiti nakita a panaglabsing iti protocol a nakitana iti nasao a gundaway.
Innayonna a ti panagikkatna iti pwesto kas Contact Tracing Czar ket tapnu mailinteg ti nagbalin a biddutna.
Impeksana pay ti kinasaganana a maipasidong iti imbestigasyon.
Nupay kasta, kinuna ni Presidential spokesman Harry Roque a saan nga inawat ti Palasyo ti nasao a resignation letter ni Magalong.
Kinunana nga agtaltalinaed paylaeng ti talek ti Palasyo iti nasao nga opisyal.
